“MARXISM ALMOST ALWAYS EXCLUDED WOMEN!!!!”
ആര് പറഞ്ഞൂ ഈ അസംബന്ധം??? കേരളത്തില് അങ്ങന്യല്ലാ ട്ടോ... കേരളത്തിലെ സി.പി.ഐ(എം)ന് പെണ്ണുങ്ങള്ന്നു വെച്ചാ ജീവനാ...
അംഗബലം കൂട്ടാനും, മനുഷ്യചങ്ങല പിടിക്കാനും, സമ്മേളനങ്ങള്ക്കും ജാഥകള്ക്കും സെറ്റ് സാരീം, “ചെങ്കൊടി” ബ്ലൗസും ഇട്ടു ബാനറു പിടിക്കാനും, ധര്ണയിരിക്കാനും, സമരം വിളിക്കാനും, കുപ്പ തോണ്ടാനും, ആകെപ്പാടെയുള്ള 33%-ത്തിന്റെ അടിവേര് തുളയ്ക്കാനും പിന്നെ പറ്റ്യാ ചെല കൊടികുത്തിവാഴണ സഖാക്കമ്മാര്ക്ക് കൂട്ടിക്കൊടുക്കാനും ഒക്കെ അവരെ വേണം. ഞങ്ങളവര്ക്ക് സപ്പോര്ട്ടാ...
ഇങ്ങ് ചേമഞ്ചേരീലേക്ക് വന്നാ ഇത്തിരൂടി മുന്തിയ ഇനം ‘കമ്മൂണിസ്റ്റാ’രെ കാണാം. തെളച്ചങ്ങനെ നില്ക്ക്വല്ലേ ചോര! അങ്ങ് കണ്ണെത്താ ദൂരത്ത് കണ്ണിറുക്കീം, തോണ്ടീം, തലോടീം അന്തിക്കൂട്ട് കെടന്നും വെലസിയ കുഞ്ഞാലിമാമനേം, ജോസപ്പങ്കിളിനേം പിന്നെ പൊന്നുച്ചാമീനേം ഒക്കെ കണക്കിന് തെറി വിളിച്ചും, പന്തംകൊള്ത്തിപ്പടനയിച്ചും, കരിദിനമാചരിച്ചും ഒക്കെ മുറവിളികൂട്ടിയ തലതൊട്ടപ്പന്മാരാ ഇവ്ടെ ള്ളെ. പക്ഷേങ്കില് ‘വീക്കെന്സ്’ ഒന്ന് മാത്രം.... അപാര “സഹോദര സ്നേഹ”മാ. പാര്ടി മ്മടെത്, അതിലെ പെണ്ണുങ്ങളും മ്മ്ടെത്..... ന്നാലും മ്മടെ പാച്ചറ്വേണൂം കൊ.കുമാരനും, പൊ.ഗോപാലനും ഒക്കെ നമ്മടെ സഹോദരന്മാരല്ല്യോ? അവര് മ്മടെ പെണ്ണുങ്ങളെ “വല്ലോമങ്ങു” കാണിച്ചു... അല്ലേല് “വല്ലോമങ്ങു” പറഞ്ഞു.... അങ്ങ് സഹിച്ചേക്കണം,കണ്ണടച്ചങ്ങ് നടന്നെക്കണം. അല്ലാതെ പരാതീം പരിവട്ടോമായി പാര്ടിയാപ്പീസിലേക്ക് ഓടിയടുക്ക്വോന്നും വേണ്ട. അതിനുള്ള നേരം ഞങ്ങക്കില്ല, ഞങ്ങക്കിവിടെ പിടിപ്പത് പണിയാ. മുല്ലപ്പെരിയാറിനെക്കുറിച്ച് പഠിക്കണം ന്നിട്ട്വേണം നിലവിലുള്ള ഗവര്മെന്റിന്റെ തലേല് കേറിയൊന്ന് മുള്ളാന്. അത് കഴിഞ്ഞിട്ട്ണ്ട് ചെല പ്രകടനോം സമ്മേളനോം പ്രതിഷേധോം. ഇതിനെടയില് ഒരു മെമ്പറേo നോക്കാന് ഞങ്ങക്ക് നേരോല്ലാ… ആദ്യേ പറഞ്ഞെരാം.
അല്ലേലിപ്പോ മെമ്പര്ക്കെന്താ പറ്റ്യേ? സഹോദരന് വേണു (സഖാവല്ല ന്നാലും വ്യാപാരവ്യവസായി കുടുമ്മത്തിലെ അംഗമാണേ) അയാള് ഇത്തിരി സ്നേഹം കൂടിയപ്പോ സ്നേഹത്തിന്റെ ഭാഷയൊന്നു പ്രയോഗിച്ചു മെമ്പറെടുത്ത്... അതിനിപ്പോ കെറുവിക്കനെന്താ ഉള്ളേ? ക്ഷമിച്ചേക്കാമെന്നേ.. ഇനിപ്പോ ങ്ങളു മാന്യന്മാരങ്ങ് നടപടിയെട്ത്താലും ഞങ്ങള് വ്യവസായി സഹോദരന്മാരുണ്ട് ‘പാവം’ വേണൂനെ ഈ വടയക്ഷ്യെള്ടെ ദംഷ്ട്രെന്നു ‘രെഷിക്കാന്’. ഞങ്ങളിറക്കും ഏത് കാക്കിക്കോട്ടേന്നായാലും.
മെമ്പര് ഞാളെതാണെ.... ഞാളെ പെങ്ങളെപ്പോല്യാണെ... “മാര്ക്കിസ്റ്റ്” കുടുംമ്മത്തിലെയാണെ... പഷേ അമ്മ്യോടും പെങ്ങമ്മാരോടും കേട്ട്യോളമ്മാരോടും മീശവെച്ചോനോരുത്തന് സൊകാര്യം പറഞ്ഞാ മ്മളെടപെടൂലേ... ന്താ? മീശ മ്മക്കൂ ണ്ട്.. അതെന്നെ. “ഐക്യം.... ഐക്യംന്ന് പറയണേ കടേല് കിട്ടൂല... ഇവ്ട നോക്ക്... കാണും ന്നേ.” നാളെ ഞാളെ വീട്ടീക്കേറി ഓന് നെരങ്ങിയാലും ഞങ്ങളിങ്ങന്യേ പറയൂ. ഞങ്ങളേ ആത്മാര്ഥതയുള്ള സഖക്കന്മാരാ.
“മറ്റേ സോദരന്മാരോ”? ശുഭ്രവസ്ത്രധാരികള്.. കാവി വെള്ളാപ്പള്ളി ഇത്യാദി എക്കെ? ഇതിലേറെ ഗംഭീരമാണ് അവരുടെ പെര്ഫോമന്സ്. അവര്ക്ക് പണി വേറെയാണ്. ഇതൊന്നും അവരെ സംബന്ധിക്കുന്ന വിഷയമല്ല. നാട്നീളെ നടന്ന് “നമ്മളെ തോപ്പിച്ച പാര്ട്ടി”ക്കാരെ തെറിവിളിക്കാന് കിട്ടിയ അവസരം.. അവരിലൊരാളായ മെമ്പര്ക്ക്(ആണായാലും പെണ്ണായാലും) നിഷേധിക്കപ്പെട്ട സിമ്പതി... ആ പാര്ട്ടിക്കാരുടെ തോന്ന്യാസത്തിന് കൂട്ട്നിന്ന വിഡ്ഢികളായ എന്നെപ്പോലുള്ളവള്മ്മാരെ കളിയാക്കിച്ചിരിക്കല് എന്നിങ്ങനെ വിവിധ കലാപരിപാടികള്. അതിനിടയ്ക്ക് ഒരുത്തനും ഒരുത്തിയും നാവനക്കില്ല ഈയൊരു നിസ്സാരസംഭവത്തിന്. പെണ്ണുങ്ങളായ പെണ്ണുങ്ങളൊക്കെ വാതില് മുറുക്കെ അടച്ചങ്ങിരിക്കും ഇനി ഒരു “വേണൂം” ഇവടെ ന്റെ വീട്ടീ കേറൂല്ലാലോ. സമാധാനം!
ഇതിനിടയ്ക്ക് ഒച്ചേം വിളീം ണ്ടാക്കി സോയിര്യക്കേട് ണ്ടാക്കിയ അഞ്ചാറു ‘കമ്മൂണിസ്റ്റ്’ പെണ്ണുങ്ങളെ സഖാക്കന്മാരങ്ങോതുക്കി നിര്ത്തും. പണി തീര്ന്നു. വേണു ചാപ്റ്റ്ര് ക്ലോസ്... അവനോ??പൂക്കാട് കണ്ട ഏറ്റവും വല്ല്യ മാന്യനല്ലേ.... ഏതു കാലം കച്ചോടം തോടങ്ങ്യോനാ.. എന്ന് ഈ ആങ്ങളമ്മാരെന്നെ പറഞ്ഞോണ്ട് നടക്കും.... ചെലപ്പോ അവരോട് കൂറുള്ള പെങ്ങമ്മാരും.
ഇവിടെ ദാ ഇത്ര്യോക്ക്യെ ണ്ടായുള്ളൂ.ആര്ക്കെന്ത് ചേദം? മെമ്പര്ക്കൂല്ല ഇക്കണ്ട പെണ്ണുങ്ങളായ പെണ്ണുങ്ങക്കൂല്ല പരാതി. പിന്നര്ക്കാ? ഇനിക്കോ? ണ്ടെങ്കി തന്നെ പള്ളീല് ചെന്നങ്ങ് പറഞ്ഞോ...ന്ന്!
അമ്മിണിക്കുട്ടി ആന്റി-കമ്മ്യുണിസ്റ്റാണെന്ന് നിങ്ങള് ചുവപ്പന്മാര്ക്ക് തോന്ന്ന്നുണ്ടാവും.... പരാതിയില്ല. ഫെമിനിസ്റ്റാണെന്നും തോന്നുന്നുണ്ടാവും.... തെറ്റില്ല.ഇക്കണ്ട നേതാക്ക്ന്മാരോടും ‘തലൈവി’മാരോടും മൂടുതാങ്ങികളോടും ചോദിക്കാന് ഒന്നേ ഉള്ളു. രാഷ്ട്രീയത്തിനും, മാനവിക മൂല്യങ്ങള്ക്കും, സാമൂഹ്യ-അഭിമാന-ദുരഭിമാനങ്ങള്ക്കുമപ്പുറം പൌരധര്മ്മം എന്നൊന്നില്ലേ? ഇപ്പറഞ്ഞതൊന്നും എന്താണെന്നുപോലുമറിയാതെ, ഒരിക്കലും അറിയാനും അറിയിക്കാനും താല്പ്പര്യമില്ലാതെ നാറിയ വ്യവസ്ഥിതിയുടെ ഗര്ഭത്തില് പിറന്നുവീണ ചാപിള്ളകളായി ദിനരാത്രങ്ങള് തള്ളിനീക്കാന് കച്ചമുറുക്കിയിറങ്ങിയിരിക്കുന്ന ഓരോ ഹൃദയശൂന്യ മലയാളിക്കും അതിലുപരി ചേമഞ്ചേരി നിവാസികള്ക്കും “നൂറു ചുവപ്പന് അഭിവാദ്യങ്ങള്!”.... “ജയ് ഹിന്ദ്....!”(മറ്റുള്ളവരുടെ പഞ്ച് ലൈന് അറിയില്ല,ക്ഷമിക്ക്യാ).
