കഥയില്ലാത്തൊരു കഥ മനസിലങ്ങനെ
കനപ്പെട്ടു കിടക്കുന്ന നേരത്താണ്
ദിക്കറിയാതെ വഴിതെറ്റിയൊരു
മഴയീ മുറ്റത്ത് തെന്നിവീണത്.
കോണിമേല് ക്ലോറിനിട്ടില്ലെന്നമ്മ
അകത്തുനിന്നുറക്കെ മൊഴിയെ
എന്റെയുള്ളിലെ കഥയും മഴയും
സ്വകര്യമായൊന്ന് കെട്ടിപ്പുണര്ന്നുമ്മവെച്ച്
കുതറി മാറി.
പ്രണയമിതുമാവാമെന്നായി
നനഞ്ഞു കുതിര്ന്ന വാക്കുകള്
വരയിട്ട കോണിമേല്
പതിയെ പോറിവരച്ചു.
വരയിട്ട കോണിമേല്
പതിയെ പോറിവരച്ചു.
കൊഴുത്ത പച്ചകലര്ന്ന വാക്കുകളിലപ്പോഴും
മഴ സമ്മാനിച്ച ചളിമണം
മാത്രമവശേഷിച്ചു.
No comments:
Post a Comment